NCR

 Achegueime a ela para darlle o bico prometido anteriormente. Depositeino con dozura na súa meixela dereita. Tiña a pel suave, cálida. Sen abrir os ollos, intentei repetir o movemento. Pero ela, sen coñecer as miñas intencións xirou a cabeza. Os nosos beizos atopáronse e ningunha quixo separarse.  Mais un berro entre a multitude obrigounos a mirar cara adiante. Seguimos ollando o partido coma senada sucedese, convertidas en estatuas de xeo entre aquela algarabía. Ata que volvemos a xirarnos, e ao mirarnos aos ollos, bicámonos xa con paixón. Protexidas das miradas indiscretas por algún tipo de feitizo, non había nada que se interpuxese entre o desexo mutuo. Ata que no móbil comezou a soar Guns 'n' Roses, sinal de que era hora de erguerse para ir ás clases.

No hay comentarios:

Publicar un comentario